LYRIC / PARODDI / PARULLE / CANTI

A terra ùn hà sperenza
Sola ùn si pò difende
In faccia à l’ignurenza
Di l’omu chì vole vende
Smintichendu a filetta
Per empie la so bunetta
U rispettu ùn esiste
Per u solcu di l’antichi
A scimizia di l’acquisti
Hà sfattu i so vistichi
Sfraiendu senza primura
I muri di a cultura
Ma fighjola u to locu
Fighjola ogni circondu
Da a cima à u fondu
Si ne more pocu à pocu
Chì n’hè ghjunta à l’abbrocu
A richezza di issu mondu
Hè svanitu l’ideale
Di u valore passatu
Chì u stintu attuale
À morte hà cundannatu
Un populu chì fù rittu
Ma ch’avà si ne stà zittu
Hè sradicata a virtù
In u pettu di l’avvene
È di tuttu ciò chì fù
Ùn fermarà ch’è fulena
Spazzata senza rimorsu
Attempu à l’esse corsu

G.F. Terrazzoni
J.L. Massey


Accumudatu by

Cyril Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.