LYRIC / PARODDI / PARULLE / CANTI
Di sicuru so fate à avè lu invintatu
È à ogni stagione à dà li u so fiatu
Di muntagne è marine
Di machjoni sarrati chi l’acquatu intigne
D’attrachjate turchine, d’albori riccamati
è di petre sanguigne
Eccu à Falasorma
Di rinaghji è di spichi
Ecccu induve dorme
A forza di l’antichi
lsula di mimoria
Ascondu di a storia
Da u capu di Guegnu à sin’à Palmarella
Risplende di billezza tal’un eterna stella
Di passi vagabondi
D’infiarate sulane è di licceli scuri
D’accuglienti circondi, di sicrete funtane
è d’appossi sicuri
Eccu à Falasorma
Affiancatu à Niolu
Eccu induve dorme
L’estru di Pampasgiolu
Isula puesia
Di rime è d’armunia
Oghje chi u silenziu ti si vole piglià
T’arricordi di prima cum’è s’ellu era avà
Di l’ore cantarine
Di ‘ssi ghjorni felici quand’è tù ribumbava
Di rise zitelline, di fischi pastureschi,
di ghjente chi spirava
Ma tù si Falasorma
Si a nostra risorsa
U locu induve dorme
L’antica anima corsa
È à e to funtane
Ne sorgerà dumane
Parolle è musica : Jean Yves Acquaviva
No comments yet