LYRIC / PARODDI / PARULLE / CANTI

Bianca cume la schiuma di u mare
Chì ghjunghje da mille oceani
Per pudè di cio ch’ella li pare
La mio voce mughja per dumane

Per l’omu chì vole campà sanu
In’ùn paese ch’ellu a fattu soiu
E chì vole alza la so manu
Senza piu sperà in’ùn appoghju

A so ch’ogni verità ch’e detta
Un vole sempre esse intesa
E ghje in’un spiritacciu di vindetta
Chì la lotta ferma appesa

E ancu si la mio voce hè sola
A vule sprimè lu mio pensa
E chjaru ch’incu la mio parulla
Oghje ognunu deve cuntà

Da quandu mi svegliu la matina
A quandu mi vogliu addurmintà
La mio lotta ghjè qui vicina
E ghje per ella chì vogliu cantà

Femulle compie’sse lite
Chì c’anu d’arruvinà
E ch’ogni idee unite
U populu sannu vincerà

Un aspettemu piu a sintenza
Di quellu chì si vole impatrunisce
E chì per avecci in’a so manica
Ogni ghjornu ellu ci alliscia

Seguitemu lu nostru caminu
Ghje fiuritu di tante speranze
E cusi seremu piu vicinu
Di u campà e di l’indipedenze

Bianca cume la schiuma di u mare
Chì ghjunghje da mille oceani
Per pudè di cio ch’ella li pare
La mio voce mughja per dumane


Accumudatu by

Stephane Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *