LYRIC / PARODDI / PARULLE / CANTI

Ùn pudiani stà quì
eddi ùn pudiani stà muti
à mora senza briunà
è senza strapadassi micca

Veda spigna lu soli
Senza dà si di mani micca
Senza pudè si mancu dì
Eiu aghju fattu la ma parti.

Allora si sò mossi
ci vulia à scità si

imparà, metta i mani
i mani in u lozzu
buligà in i nosci vai
è tandu ani imparatu

Ripigliu

Eddi l’arcaichi
i tonti i nucenti
chì cridiani in i steddi
si sarani sbagliati
si sarani brusgiati

in a notti scura
cunsumatu a so vita
ma ani fattu eddi
è ani briunatu
ani briunatu forti

ch’è no erami vivi
ch’è no erami quì, no
chì durmiami tranquilli
ma l’ani fatta eddi
iè l’ani fatta eddi

L’ani capita tandu
chì ci vulia imparà
invintà, sciappà
crià, bisognu à batta si

Ritenalu incù a so vita
issu tempu di ghjuvantù
issa scimughjina quì
issa brama di l’avvena
l’ani capita eddi

Ripigliu

Eddi l’arcaichi
i tonti,i nucenti
chì cridiani in i steddi
ani smuntatu i monti
è l’ani sciappati

i muri di i nosci prighjò
bulicatu in a mimoria
in i nostri dulori
è l’ani suniatu
suniatu maiori

eddi issu paesi novu
par no invintatu
iè l’ani invintatu
ma eiu ch’aghju fattu
ma ch’aghju fattu eiu

Issu tempu di ghjuvantù
issa scimughjina quì
issa brama di l’avvena
issa brama di campà
ma ch’aghju fattu eiu

Saveriu Valentini / Marcu Valentini


Accumudatu by

Cyril Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.