LYRIC / PARODDI / PARULLE / CANTI

Parianu scappati
D’un sognu lucichente
A culori d’oriente
‘Ssi vascelli andati
Per e strade turchine
Per i chjassi di sciume
E l’andati di lume
A l’ultimi cunfine
A l’orizonti chjari
Duve more u sole
E nascenu e fole
Figliole di i mari

Suvitendu e stelle
Sulchighjavanu l’onde
A circà d’altre sponde
D’altre loche più belle
Un’isula serena
Tarra senza mimoria
Da scrive una storia
Ch’ùn cunnosce catena
Una muntagna d’oru
Da chi a so bandera
Svintulessi più fiera
Chi u più fieru albore

E mezu à u silenziu
Fassi una piazzarella
Esse cum’una stella
Mezu à u celu immensu
Ma e strade turchine
Un ti portanu indocu
S’è t’ùn adopri focu
Per apre e cunfine
Ci volenu e strage
Da fà nasce a pace
S’è un mondu si face
L’altru si deve tace

E cusi và u fiume
Da l’altru di e sarre
Sin’à lampassi in mare
In e valle di sciume
E i vascelli vanu
Frà ‘sse piane di luce
Circhendu un mondu à struge
Per e strade turchine
A l’ultime cunfine…


Accumudatu by

Stephane Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.