LYRIC / PARODDI / PARULLE / CANTI

Coglie l’ore di l’alba
Quelle d’attempu ghjornu
Quandi u sole scialba
Di luce u cuntornu
Eppo’ fanne canzone

Chjappà l’ultime stonde
Quelle di l’abbrucata
Quandu ciotta nù l’onde
L’invistita stillata
Eppo’ fanne canzone

Da umbria à sulana
Vanu e costre rime
Cum’è a vita umana
Da murtoriu à sbuccime
Da billezze in cullana
A annate vaghjime

Suminà u deliziu
A centu e manate
Dassi à un spuzaliu
E forse à e ciucciate
Eppo’ fanne canzone

Tenesi sempre in core
L’orme di quelli, andati
A i venti di u more
Lascenduci affannati
Eppo’ fanne canzone

Da umbria à sulana
Vanu e nostre rime
Cum’è a vita umana
Da murtoriu à sbuccime
Da billezze in cullana
A annate vaghjime

Cum’è a vita umana
Da murtoriu à sbuccime
Da billezze in cullana
A annate vaghjime


Accumudatu by

Stephane Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *