LYRIC / PARODDI / PARULLE / CANTI
S’ellu hè l’amore chì ti porta
S’è tù mi volti da luntanu
A tengu aparta la mo porta
A ti daraghju a mo manu
O quantu tù ai mancatu
Ùn ne sentia batte pettu
Ancu per tè aghju pregatu
À quale u dave u t’affettu
Mi sò statu solu à u focu
À dì mi quantu mi ne pentu
À asciuvà lu u to pientu
È più primura d’andà in locu
Dumane chì ne serà
Induve ci emu da ritruvà
Dì li la tù
À u mo core ch’ùn sà più
Cun ellu s’è ci volti più
S’è tù l’ai da fà batte dinù
Dì li la tù
Ùn mi n’ai più datu nove
Chì strada hà fattu a to vita
L’amore forse chì l’ai trove
Dì mi si a to pena hè finita
Aghju pensatu dà ti tantu
È quante sere à chjar’di stelle
In fondu di u mo core frantu
Quant’ella hè liscia a to pelle
N’aghju passatu tante notte
À dì mi vulterà dumane
À mette anelli à e to mane
È appagià e nostre lotte
Marc Ventura / Fabrice Andreani
No comments yet