LYRIC / PARODDI / PARULLE / CANTI

Da e ripe ventose
Di e sreme cunfine
Duve lu mare estrosu
Abbate le so ire.

Sin’à li monti interni
A li sproni minacce
Duve li nuli infermi
Appendenu e so bracce.

Hè u listessu paese Bis
Ch’accende à li mio sogni
A cuscenza di tè.

Da li vechjetti à spassu
D’un tempu impulveritu
Cum’è un ritrattu passu
Più giallu chè culuritu.

E da ogni zitella
A l’estru ghjucarinu
Chi per fà fatalella
Azzinga u so pendinu.

Hè u listessu paese Bis
Ch’accende à li mio sogni
A cuscenza di tè.

Da l’avvene piattatu
D’un stracciu da stracciate
Chi n’asconde lu pattu
Chi devu imaginà.
Da l’avvene cumunu
Ch’elli ci anu toltu
S’ellu ne ferma unu
U fruttu serà scioltu.

Hè u listessu paese Bis
Ch’accende à li mio sogni
A cuscenza di tè.
O Corsica.


Accumudatu by

Stephane Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.