Cù lu stessu destinu

Da sopra la to lutta fratellu, c’hè natu u fiore di a verità
Nantu a strada di u sudore, di u mio cantu l’annacqueraghju
Spera quant’è tù poi fratellu.

Fratelli chì mi senti, a bughju in la to stanza
Dopu à lu primu piantu pensa à la fratellenza
Acella messagera chì nasce in la to terra.

Fratellu lu t’amore, duv’ellu t’hà mandatu
Mughja lu to dulore, quessu hè lu to peccatu
Spere quant’è tù poi, si movenu li toi.

Libertà, anderà, libertà

Longu hè lu to caminu, spessa ci face notte
Cù lu stessu destinu sò meie le to lotte
Sì Corsu è oramai sò mei li to guai.

In paese fratellu, sò mosse le cuscenze
Ghjustizia pè mantellu sò corse e to speranze
Trà u bè, è trà u male, cù a luce piglia ale.

Libertà, anderà, libertà

Quelli di li to guai, dicenu malfatorre
U lume chè tù dai, nuce à lu so culore
Più sparghji la to perra, più strinta hè la catena.

Fratellu pare strana, a vita di l’umanu
Sì tù incarceratu ma spunta per dumane
Un ragiu di verità, chì in l’isula si spanna

Libertà, anderà, libertà

I Muvrini / GF Bernardini