LYRIC / PARODDI / PARULLE / CANTI

Di a tarra di l’anziani, arrubata
Di quidda storia di cirnu, sminticata
Vi cantemi la so sorti, scunsulata… scunsulata…

Usi quant’è cultura, tralasciati
A nostr’indiatura, carpighjata
Corcia la nostra natura, addulurata… addularata…

Di la nostra amarezza
Risorghja una cuscenza
Chì lu nostru paesi
Spechja a nostra credenza
Voci : Si disceta la cuscenza, ribomba la nostra credenza

D’una ghjuventù in cerca, di sapè
Parchì s’hè spenta la fiara, di u chinchè
D’una vita paisana, lu vulè… lu vulè…

Mà lu ventu oghji ci punta à avanzà
Nant’un’aria chì ci faci sunnià
À un lindumani chjaru, in libertà… in libertà…

Di tanti sonnii appesi
Risorghja una cuscenza
Chì lu nostru paesi
Spechja a nostra credenza
Voci : Si disceta la cuscenza, ribomba la nostra credenza

Si disceta la cuscenza, ribomba la voci di a nostra credenza

Martinu Squarcini


Accumudatu by

Cyril Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *