LYRIC / PARODDI / PARULLE / CANTI
Ch’è no ci trovimu soli
Ci sì tù ci sì tù
Chì ci annanni è ci cunsoli
Ci sì tù ci sì tù
Ancu tutta una nuttata
Cù a voce inziccarata
E’e to mani di fata
Ci sì tù o mà
Venghinu venti o friture
Ci sì tù ci sì tù
Malanni angosce o peure
Ci sì tù ci sì tù
Sempre cù u tremu à dossu
Lesta à porghjeci succorsu
Pè fà smarì ogni morsu
Ci sì tù o mà
Stella ùn avemu chè una
E’sì tù è sì tù
Un hà prezzu sta furtuna
E’sì tù è sì tù
Celu foscu o celu chjaru
Quella ch’o tenimu caru
Un hà indocu u so paru
E’sì tù o mà
Sta canzona ch’o cantemu
Hè per tè hè per tè
Cun affettu a ti demu
Hè per tè hè per tè
Pè u to bè i to asgi
Scoppa in mazzuli di raggi
E’di centumila basgi
Hè per tè o mà
G.T. Rocchi \ A. Ciosì
Felì
No comments yet