LYRIC / PARODDI / PARULLE / CANTI
Ci hè quì vicinu un chjassu foscu
Un chjosu frescu, una culletta
Una surgente benedetta
Chi canta à l’arice di u boscu
Ci hè quì vicinu un paisolu
Cù e so loghje è le sò strette
E cacciafora è scalunette
Sott’a un celu muntagnolu
Ci hè quì vicinu, a chì u sente
Un mondu sanu, un cuntinente
Un ortu umanu, è un giardinu
Di a so ghjente
Ci hè quì vicinu a cità bella
Cu le so case accatastate
Sopra le so centu tighjate
E so piazzette, a citadella
Ci hè quì vicinu una zitella
Cpellibionda, ochjiturchina
Cù lu so visu di statina
E u prufumu di a so pelle
No comments yet