LYRIC / PARODDI / PARULLE / CANTI

Orfanella di stu mare
T’hanu chjamatu Cavallu.

E strade di lu mio mondu
Ti tenenu da cunfina
Sì à l’orlu di l’infernu
O principessa turchina
Nant’à lu to mare malatu
Oghje u ventu hà cantatu.

Orfanella di stu mare
T’anu chjamatu Cavallu.

Banditu st’incettatore
Chì scurtichjeghja u to visu
Scalatu da mare in là
In cerca d’un paradisu
Ma sulcighjata hè la to rena
Trà Bunifaziu è Maddalena.

Orfanella di stu mare
T’anu chjamatu Cavallu.

Maladi vogliu a lu strettu
U marosulu isulanu
Chì sbatticiulava tantu
E s’amansa pianu pianu
Chì ùn bastanu e to ghjasteme
Pè parà ciò chì omu tene

Orfanella di stu mare
T’anu chjamatu Cavallu.

L’onde ingorde di u terraniu
Ponu annigà e to brame
Quì firmerà una voce
À palisa è cundanne
Nant’à lu to mare malatu
Oghje u tonu hà cantatu.


Accumudatu by

Stephane Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *