LYRIC / PARODDI / PARULLE / CANTI

Ghjeu so terra di pastori
Berculata di cantà
Lu mio core hè fatt’à alture
Chi u celu vene à basgià
Da mare è sole ammantata
Spampilleghju à l’alburià

Cu e mio mani tissaghjole
Passu l’ore à ricamà
Voli d’altagne maestre
O bandere in svintulà
E sculpi solchi di luce
Di rivolte è di sperà.

Ci hè in lu sonniu di e mio scorze
mille radiche in spannà
tante surgente di vita,
di pace è d’umanità
ch’e mio vene rimurose
venenu à accarizzà

Da u rispiru d’ogni petra
Da u granitu di u tribbià
Nacquinu l’omi valenti
Chi cultivonu u campà

Omi di quelliu chi un ghjornu
Si n’andonu à spantica
Di lu so pugnu è curaghju
U so crede, u so pinsà
Omi di quelli chi un ghjornu
Morsinu in sacrificà

Ghjeu so terra di pastori
Berculata di cantà
Lu mio core hè fatt’à alture
Chi u celu vene à basgià
Da mare è sole ammantata
Spampilleghju à l’alburià

So lu suchju chi si sparghje
In ogni mente in ogni andà
So l’annellu ch’addunisce
U granu è u suminà
E in lu pettu ci aghju scritta
A parolla Libertà

Ghjeu so Corsica nascente
Per issu dumane da fà
E in lu pettu ci aghju scritta
A parolla libertà
E in lu pettu ci aghju scritta
A parolla libertà
E in lu pettu ci aghju scritta
A parolla libertà.

Voce Ventu / Federicu Poggi


Accumudatu by

Stephane Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.