LYRIC / PARODDI / PARULLE / CANTI
Cantu chì me svegli a matina
Cantu chì me porti sempre in rima,
Cantu chì l’idea m’hà purtatu
E chì l’altri anu imbrutatu
Cantu di una rivolta cumuna
Cantu di un surisu per furtuna
Cantu di un core apertu a l’omu
E chì l’altri l’anu vestutu di dolu
Canti pieni d’allegria
Chì a mio fede hà passiunatu
Canti stanchi di puesia
Chì a mio voce hà ingabiatu
Cantu a sdradighà l’universu
Cantu a incantà l’omu persu
Cantu di a richezza spertuta
E chì l’altri per elli anu vursuta
Cantu d’a fa pienghje le mio mane
Cantu di a vita di dumane
Cantu di li populi affanati
E chì voi avvete abandunatu
Canti di odiu spugliati
Chì a mio mente abbicina
Canti di passione spalancati
Incu a ghjuventù vicina
Cantu chì me svegli a matina
Cantu chì me porti sempre in rima,
Cantu chì l’idea m’hà purtatu
E chì l’altri anu imbrutatu.
No comments yet