LYRIC / PARODDI / PARULLE / CANTI

Basta un suppulu d’amore
Per sminticà ogni pena
Per pudè strughje a catena
Chi mantene tintu u mondu

Basta un suppulu d’amore
Per basgià a Terra sana
Per chi monte sia piana
E chi scornu sia tondu

Qual’hè ch’un cunnosceria
Centu guai ch’ellu porta
Qual’hè ch’ùn ci crederia
A u pichju di u so core

Basta un suppulu d’amore
Per sapè vede u sole
Frà dui ochji quasi chjosi
Chi sanu a lingua a più bella

Basta un suppulu d’amore
Per pudè spichjassi in celu
Per campà ind’un vascellu
Senza timone nè vela

Sia quellu chi si strazia
Senz’avè altra primura
Sia natu da a Grazia
Cum’ella nacque a natura

Basta un suppulu d’amore
Per sunnià un paradisu
Fattu tuttu d’indecisu
E di passione infiarata

Basta un suppulu d’amore
Per esse omu senza sorte
Chi si sfida vita è morte
Da a so pianeta amata

Ghjè un mondu chi s’avvia
Sopr’à puntelli d’incertu
Ghjè un mondu maraviglia
Duv’è tuttu pare uffertu


Accumudatu by

Stephane Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.