LYRIC / PARODDI / PARULLE / CANTI

L’avvene sbunuratu
Tale un cundanatu a morte
Quandu s’aprenu le porte
Di l’ultimi centu passi

L’avvene che tù m’offri
Rigalu invelinatu
Chi ghje statu arrubatu
À lu sudore è à lu soffre

Auropa di chjuchi
Alza la voce e fatti sente
Fatti dolce o viulente
Per un più cunnosce inghjulie

L’avvene ie ci credu
Incù la so mudernità
Incù a so voglia d’ingrandà
In ogni paese u so veculu

L’avvene ie ti vogliu
Senza differenza alcuna
Senza ch’ellu ne manchi unu
Nome in lu to fogli

In Auropa ci sì tù
Corsica Maraviglia
Ch’ùn s’arruba, e ch’ùn si piglia
In sta Auropa ghjucu, campaci ancu tù

Avvene ti camperaghju
Incù una vuluntà d’esse
Cum’a libertà si tesse
Un’avvene ti deraghju

Avvene site voi
Figlioli di dumane
Inseme datevi la manu
No a l’Auropa senza noi

In Auropa ci sì tù
Corsica Maraviglia
Ch’ùn s’arruba, e ch’ùn si piglia
In sta Auropa ghjucu, campaci ancu tù


Accumudatu by

Stephane Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *