LYRIC / PARODDI / PARULLE / CANTI

Da sbarraccà i palazzi
E da spanticà l’imperi
Venutu da i to stazzi
Cù i to cavalli fieri.

Attila si scalatu
Cù u ferr’è cù u focu
Vecu è greghje infuriate
Ad apparinà u locu.

Tù qualcosa ci lacasti
Di u to sangue in bullore
Per chi nim’ùn accatasti
E nùn cresca u valore.

Senza sapè chi dumane
Si pesa un antru ghjornu
Duve nùn si sa chi pane
A da coce ind’è u fornu.

E chi si crede putente
In la so pace rumana
Di cultura preputente
Veste ghjente robb’è sana.

Si scorda di a lezzione
Chi a brusta ùn bast’a copre
Per amattà u tizzone
Quandu ci hè la ghjente fora.

Un cunnoscu e to stonde
Ma sentu la zampittata
Chi fece trimà u mondu
Nant’a so volta impetrata.

E chi ficco a peura Bis
Attempu la meraviglia
Per la tamanta figura
Di un populu in ira.


Accumudatu by

Stephane Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.