LYRIC / PARODDI / PARULLE / CANTI

Ai pesu lu ditu di core è di memoria
U to solu partitu a to prima vittoria

Vint’anni à lu destinu un pezzu ch’è tù vochi
A circà lu caminu erete belli pochi

Sò vint’anni di vita chì venenu à pichjà
È cum’è una ferita chì ti face marchjà
Hè Corsa la to vita di lege preferita
Campà
Campà

Ai lasciatu corre à spessu li to affari
Risparmiatu l’amore ancu à i to più cari
Vinti anni cum’è un focu accesu in le to vene
Pè un pezzu di locu chì sì cerca un avvene

Sò vint’nni di vita chì venenu à pichjà
È cum’è una ferita chì ti face marchjà
Hè Corsa la to vita di lege preferita
Campà
Campà

T’anu chjosu le porte messu nantu à una lista
Eppo t’anu ancu trovu l’anima terrurista
Vinti anni ch’è tù batti, un paese à lu core
È nantu à i ritratti, e ricunnosci l’ore

Sò vint’anni di vita è tandu cum’è avà
Ci hè sempre una ferita chì ti face marchjà
Hè Corsa la to vita di lege preferita
Campà
Campà…


Accumudatu by

Cyril Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.