LYRIC / PARODDI / PARULLE / CANTI

A tè la Corsica regina
A ella tù
E lu pocu di sta rima
A ciò chi fù.

A tè u ventu chi scuzzula
L’alburoni intimuriti
Spazzendu in terra la pula
Di li to passi smariti.

A tè l’abbracciu di sta terra
A i purtelli di a notte
Quandu si tace ogni guerra
E s’aprenu le centu porte.

A tè la Corsica regina.

E centu porte di l’avvene
I centu mesi di u ritornu
Ciò chi fughje è ch’omu tene
Cù a sperenza chi un ghjornu…

A noi d’un lacà travvià
E d’un pienghje à mille voci
U tempu hè fiume ùn ci vole à fà
Ch’elle s’ingorghinu le foci.

A tè la Corsica regina…

Patriziu Croce \ Mai Pesce
Chjami Aghjalesi.


Accumudatu by

Cyril Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.