LYRIC / PARODDI / PARULLE / CANTI

Quella ch’omu chjama A Spusata
Petra da u tempu ruzzicata
Quassu frà la tarra è lu celu ritta
Par sempre sola è par sempre zitta

Quella chi una parolla hà seccu
Parolla sola, parolla d’azzeccu,
Cio ch’elle facenu e ghjasteme,
A ci ramenta è face teme !

Quassu sticchita par l’eternità,
Sola sola in la so virginità
In lu so vistitu di sciappa liscia
Piu nulla nè piu nimu a miscia

A capu à capu incu a luna guercia,
A notte santa li face una treccia
Di mute streie eppo di murtulaghji
Scappati da li so fuculaghji

Sola a neve di u Capudannu
A si veste dino d’un biancu pannu
E tandu rinvivisce A Spusata
Pianu pianu si ne colla a scalinata

Ma quesse so finzione da fole
E si ne durghjuleghjanu à u sole.
Maladetta fu è maladetta stà
Quassu spusata pà l’eternità !
Maladetta fu è maladetta stà
Quassu spusata pà l’eternità…

Voce Ventu / Andria Versini Antonini / Fredericu Poggi 


Accumudatu by

Stephane Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.