LYRIC / PARODDI / PARULLE / CANTI

Aghju l’anima corsa
Di sole croscia intinta
Di luce inturchinata
E di muntagna cinta
Di terra marturiata
Da lu so mare avvinta

Aghju l’anima corsa
Da i scogli tinta
Da i venti culpita
E da prumessa finta
Sempre trà more è vita
Eppuru mai vinta

Aghju l’anima corsa
Tagliata à labirintu
Da la storia sfinita
A populu distintu
Impetrata memoria
Cù lu so vechju stintu

A pena cum’è tè
A pena cum’è tè
A pena cum’è tè
A pena
A pena

Aghju l’anima corsa
In u terraniu accintu
D’oriente calamita
E ricordu mai spintu
Da sta voce arighita
Quandu serai scunvintu

A pena cum’è tè
A pena cum’è tè
A pena cum’è tè
A pena
A pena

A pena
A pena


Accumudatu by

Cyril Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.