LYRIC / PARODDI / PARULLE / CANTI

Cinta è bella la carchera
I battaglioni maiori,
Sò falati à corri corri,
Lu cuntrastu scuppierà,
Da l’imbrogliu furesteru,
Oghje o mai s’escerà,
Da l’imbrogliu furesteru,
Oghje o mai s’escerà.

Or fate sventulà sta chjoma,
Chì tantu sott’à la soma,
Per cent’anni ùn c’hè da stà,
Da lu pughjale à la marina
Cantate la palatina,
È lu piombu salterà.

À li furdani in Bastia
Li trema la curatella
Si sò chjosi in citadella
Ma l’avemu da caccià
Ste vulpacce codimozze
Ùn la si ponu francà,
Ste vulpacce codimozze
Ùn la si ponu francà.

Or fate sventulà sta chjoma,
Chì tantu sott’à la soma,
Per cent’anni ùn c’hè da stà,
Da lu pughjale à la marina
Cantate la palatina,
È lu piombu salterà.

Per lu capu naziunale
Appruntate li truffei
I furdani à sei à sei,
Anderanu à tumbulà
È dumane à lu cunventu
U vulemu incurunà,
È dumane à lu cunventu
U vulemu incurunà.

Or fate sventulà sta chjoma,
Chì tantu sott’à la soma,
Per cent’anni ùn c’hè da stà,
Da lu pughjale à la marina
Cantate la palatina,
È lu piombu salterà.

Avanti la nostra ghjente
Spunta è l’alba s’avvicina,
À la Corsica Regina,
Gloria per l’eternità,
À la Corsica Regina,
Gloria per l’eternità.

Or fate sventulà sta chjoma,
Chì tantu sott’à la soma,
Per cent’anni ùn c’hè da stà,
Da lu pughjale à la marina
Cantate la palatina,
È lu piombu salterà.


Accumudatu by

Cyril Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.