LYRIC / PARODDI / PARULLE / CANTI

A morte di Filicone
Quant’ella m’hà datu pena
Sò ghjunti li cacciadori
Dà lu pricoghju d’Arena
Ancù quelli di u Fiumorbu
È di Serra di Scopamena

Ò quand’elli a senteranu
I cacciadori in Casinca
Ch’ell’hè mortu u mio Filicone
À lu pede d’una listinca
N’hè mortu bell’onoratu
C’un cignale capu à capu

Cignale di trenta chilò
Lu ti caccemu di bocca
È ne fecenu le parti
À lu collu d’Arcarotta
Ci si truvava incù noi
Ghjanbattista cocca cocca

Ancu u mio ziu Ghjuvan Filippi
Quandu intese issu rimore
Attacco un calessinu
È si rese à l’albitrone
Per fà parte di li duveri
Chì era mortu u mio Filicone

A morte di Filicone
Quant’ella m’hà datu pena
Sò ghjunti li cacciadori
Dà lu pricoghju d’Arena
Ancù quelli di u Fiumorbu
È di Serra di Scopamena


Accumudatu by

Cyril Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.