LYRIC / PARODDI / PARULLE / CANTI

A mio bandera hè di memoria
Di neru è di lume
Di notte è di sciume
D’un tissutu stofa di storia

Bandera meia stampata nera
In le zenne innariulate
Di le petre arrimbate
U passu di la muntagnera

A mio bandera hè d’avvene
In le mente nustrale
Sponda d’un altru fiuminale
Scudu di i dumani da vene

A mio bandera hè di sognu
In le notte zitelline
Di le ghjurnate mastine
Matina di tempu tepidognu

Si bandera di sperenza
Speriata di dulcezza
Bolle la nostra essezza
In lu sorge di a sferenza

A mio bandera hè di vulè
Rimore tonu furiosu
Affannu mutu è ascosu
Chi si vultula in tè, in mè…


Accumudatu by

Cyril Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.