LYRIC / PARODDI / PARULLE / CANTI

Da issi piaghji fiuriti à i cimi altani
Da u branu chì sbuccia à vaghjimu infiaratu
Da i tempi landani à chi sarà dumani,
Chì maì un cumpiessi di cantà u to fiatu
O la me tarra.

Hè quidda di l’antichi à u visu in sudori
Suminendu di granu i custeri è i piani,
Arrizzendu i muri è quissa cun amori,
Da fà chi ogni ghjornu ci sia casa è pani.

Hè quidda di u cummunu o tuttu hè à tutti,
Da a donna, u ziteddu è u vechju malatu,
A chì chjama à l’aiutu ci hè vinti mani ufferti,
Spirendu chì dumani sarà forsi à un altru.

Hè quidda di u prisenti cridendu cun fervori
Chì sì pò campà quì ùn sò vani paroddi
A quali vuleti dà un antru imperatori
Edda rispondi sempri di u nome di Paoli
O la me tarra.

Quidda di issu lucali chì cascava in pulvina
L’omi si sò pisati pà fà fumà u forru
Chi mai ùn fussi detta chì tuttu và in ruina
Issu fumi hè da tutti l’ora di u ritornu.

Hè quidda di dumani francata da u mali
Sarà à modu nostru è di virtu antichi
Fora di i paradisi detti artificiali
Chi l’eternu ci aiuti da vincia issi castichi.


Accumudatu by

Stephane Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *