LYRIC / PARODDI / PARULLE / CANTI

Un lu vidarei più ne, u capu à a falcunaghja
I culombi chi d’aprile volenu sempre per paghju.

Un farrei più sunate à u sole di e murnaghje
Ne puru ti sintaremu impruvisà nantu à l’aghja.

D’ottobre in campu furnellu quandu sarrà a stagione
E giuvanotte à cugliera aspitteranu e to canzone.

Piengu di sapè chi i marzu quandi u sole hè più vivu
Un sarrei più cù noi sottu à i rutoni d’alive.

Quandu pensu à i to occhji, u mò ciarbellu si move
E piengu i mò suspiri mentre corre l’oliu novu.

M’avii tantu prumessu d’esse sempre à u mo latu
Mà quandu un t’aghju vi stu ghjunghje si ne struttu u mo fiatu.

Megliu ch’un ci pensi più, chi a mò mimoria scrocchja
Morgu pianu di sapè ne, chè t’hai sceltu d’altr’occhji.

Oghje dapoi tant’anni ormai à to strada hé meia
Ne scopru tante bilezze dà e cime di San Parteu.

Dede Nobili
I Chjami Aghjalesi.


Accumudatu by

Cyril Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.