LYRIC / PARODDI / PARULLE / CANTI

Incù u me lettu
carcu à petra
Possu corre sempre à lestra,
È mi fasciu di verdura
Eccu tutta a me struttura.

L’alburelli dilicati
Sempre in mè si sò mirati
Chjinendu si cù rispettu
Comu u rè è lu sughjettu.

Allora dimmi tù quale sò ?

In corpu furmiculeghja
Tanta vita à buleghja
Campendu si in armunia
Tutti inseme in cumpagnia.

In li me bracci accuglienti,
Ancu l’anima si pente
Pè truvà calmu è riposu
In lu me lettu ritrosu.

Allora dimmi tù quale sò ?

Antoine Crescenzi / Michel Tomei


Accumudatu by

Cyril Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *